مسخوط الأمة

مالك واقف مذهول ساكت
ريحة  قبرك فاحت
كفنك راشي ولونو باهت
ما ينفعك لا جاه ولا مال صامت
الجثة باردة والنفس ماتت
تدفع للمجهول والناس من أفعالك ضاقت
فقرتي العباد وبسبابك جاعت
شحال من يتيم اقهرتي ومن هجالة احماقت
شردتي عائلات وفي حقها ضاعت
اليوم ليك وغدا عليك والدنيا حتى الواحد ما دامت
مناوراتك فشلت والكفة لغيرك مالت
ولا حسنة في أحسابك وقفة السيئات تقالت
باب التوبة تسدات وساعة الندامة فاتت
شكون يدفنك أو يعزي في روح بشرها جالت
جهنم بوصولك فرحات والحطب زادت

محمد كريم