علي بابا في فاس اعزيز عليه الدطاي أو لافاني

يا لها من فكرة. 
فكرة لن تأتي إلا من علي بابا و بعض مساعديه المتخصصين في كل شيئ عدا الصدق و الحفاض على اﻷمانة و قول الحق.
علي بابا اعزيز عليه لافاني و الدطاي. جوج اديال الفتامينات بهم ادماغو كا يخدم مزيان.
علي بابا معروف برياضته المفضلة حمل اﻷثقال : و اللي اتقيلا على شي واحد اخفيفا عليه .
علي بابا فكر إشد من لقرون أو اصحابو ايحلبو البقرة .
افرع حيط. حل صرجم. هز باب. حط قادوس. علق باش  الخ…..الصحة كا تجيب المال و المال ما يجيبش الصحة.
واحد انهار واحد خينا ابغا يخرق القانون أو فكر في اعلي بابا و الصحة اللي عندو باش يفرع حيط وي حط باب اكبير وي خلصو مزيان. اعطاه التسبيق. افرع الحيط أو حط الباب. ناض اصداع حيت فرعو الحيط بالليل. فاصباح جاوا البوليس. علي بابا اهرب. البوليس طبق القانون . علي بابا اكعا حيث الصفقة غادية الضيع منو وي رجع لفلوس لمالهم. هاذ الشي اللي اوقع. علي بابا هز الضد مع البوليسي اللي خدم القانون أو من تم و هو وياه في شد لي نقطع لك. 
علي بابا ناقش الموضوع مع المستشارين اديالو أو خرجو بقرارات “أذكية” .
الدعاية و التشهير أولا.  التحريض على شكايات كيدية ثانيا. إلى أن وصل علي بابا و أعوانه ل” اضربني و ابكى و اسبقني و اشكى”. 
علي بابا ما عمرو اعرف على أن الله كاين و الظلم ظلمات يوم القيامة. 
حجايتي سمعوها أو فهموها لكبار أو عرفو اشكون هما اﻷشرار و انت يا المظلوم انسى لعناد .

عشور دويسي.