والي جهة فاس مكناس ما افراسوش بللي فاس اعزيزة على محمد السادس

ما فراسوش جامع ارجع زبالة….أو مدرسة عتيقة رجعت خربة…..ما فراسوش أن دعوات فعاليات المجتمع المدني بفاس العتيقة المتكررة للجلوس مع السيد والي جهة فاس مكناس، التي رفضها و لا زال سعادته مصرا على رفضها، قد تكون لصالحه و مربحة له أكثر من غيره.
ما فراسوش مسجد مهدد بالإنهيار….ما فراسوش معلمة تاريخية تخرجو منها أطر عليا رجعت خربة تتخرج الطوبات…..ما فراسوش غياب بعض رؤساء الملحقات الإدارية و ضياع حقوق المواطنين…..ما فراسوش الغش في إصلاح و ترميم الدور الآيلة للسقوط…..ما فراسوش احتلال الملك العام…..ما فراسوش بللي أعوان السلطة الجدد هم ولد الشيخ أو خو لمقدم او باك صاحبي….ما فراسوش أول من استفاد بإكراميات الملك هم آباء و أمهات و زوجات و أبناء أعوان السلطة…..ما فراسوش التلاعبات و الإختلالات في الأبواب الخشبية بالمدينة العتيقة……ما فراسوش ادهن السير إسير لفتح باب أو نافذة أو بناء طابق….ما فراسوش….ما فراسوش….
ما فراسوش بللي خصو يسمع للمجتمع المدني باش كلشي ايكون فراسو….
ما فراسوش بللي سيدنا الله إنصرو اعزيزة عليه مدينة فاس أو آمرو يتقرب من المواطن باش كلشي ايكون فراسو….
ما فراسوش بللي فعاليات المجتمع المدني غاديا تجتمع يوم الأحد تحت شعار “لا يمكن للإصلاح و الديموقراطية بالمدينة العتيقة أن يتماشا مع الفساد و النهب و هدر المال العام”
عشور دويسي