“المهدي الزوات” رئيس “منتدى أنفا” يكشف حقيقة تكوين الوزيرة “لمياء بوطالب” في مدارس عليا

بعد الجدل القائم منذ يومين حول كفاءة كاتبة الدولة المكلفة بالسياحة “لمياء بوطالب” كتب “المهدي الزوات” رئيس “منتدى أنفا” في تدوينة فايسبوكية عما نشر بخصوص حقيقة المسار التكويني و التأهيل مهنيا للمعنية بالأمر و الذي قدم له العديد ممن دافع عنها بإعتبارها ذات تكوين عال في أكبر المدارس و المؤسسات الأوروبية و الأمريكية .

و إليكم نص التدوينة كما كتبها “المهدي الزوات” :

(نبداو بالمسار الدراسي

– مدرسة HEC Lausanne هي مدرسة جد عادية و رتبتها مجلة financial في المرتبة 499 من أصل 80 مدرسة عليا للتجارة في أوروبا
– دبلوم MBA من مدرسة Wharton school هو تكوين عن بعد formation à distancee يعني ما كايسوا والو (و الدليل هو تزامن سنوات الدراسة (في أمريكا) مع سنوات العمل (في المغرب)
– دبلوم الكفاءة في القيادة leadership من مدرسة Harvard Business Schooll هو تكوين سريع أي شخص عندو الكفاءة اللغوية يقدر يخلص 15 الف دولار و يقراه في مدة ستة أشهر و فيه إمكانية تقراه من دارك

ندوزو للكفاءة المهنية
– الاشتغال بالبنك الدولي banque mondiale هو كدوب لأنها خدمات فقط غير ف فرع ديالو سميتو la société financière Internationale و لي هي فرع صغير يهتم بالخواص خصوصا أننا ما عرفناش بالضبط أشنو كانت كادير فيها (كاين من الكاتبة تال المدير العام كولهم خدامين فيها)
– الاشتغال في مجموعة التجاري وافا بنك، معلومة بسيطة ستفسر كل شيء … خالها هو الرئيس المدير العام ديال المجموعة
-مستشارة للمدير اىعام للمكتب الشريف للفوسفاط، ماشي شي منصب خااارق و يخضع لمنطق باك صاحبي اكثر من أي شيء
– ترأسها لمجموعة capital trustt عادي بما أنها مساهمة فيها و المالك الأكبر للأسهم هو خالها الكتاني سعد خو الرئيس المدير العام ديال التيجاري وافا بنك و أيضا هو رئيس لجنة ترشح المغرب لتنظيم مونديال 2010 و رئيس جمعية عيد ميلاد 12 قرن لمدينة فاس ….

الاقتراح ديالها من أجل الاستوزار هو جا نتيجة علاقة القرابة لي كاتربطها بعزيز أخنوش على طريق خالها حيت أنها هي التي تشرف على وضعية مجموعة akwa في البورصة.

حنا هاد شي كامل ما عندناش فيه مشكل حيت ولفنا أن الوزراء كايجيو من السما خصوصا في أحزاب مثل التجمع الوطني للاحرار و الاتحاد الدستوري … ولكن ما تحاولوش تستحمرونا … ولاد الدرب الحمد لله قراوهم واليديهم و ولاو عايقين بيكم

و في الأخير، التلعتم من عدمو هو كايبقى قراءة ديال كل واحد غير هو خاصو يكون في احترام تام للمواطن )

©المهدي الزوات