من حكم على مطالب الحسيمة بالفشل ؟ هكذا تم خداع الحسيميين .

Ikram Mam : عبر تعليقات الفايسبوك

(الاحتجاجات في الريف تحكم عليها بالفشل وهي مزال في المهد منين دخلوا ليها مرتزقة الفتنة وطلعوا فوقها وبقاو يتحكمو فيها وغيرو ليها المسار الطبيعي والمشروع ديالها ، وممكن تشوفو هد الركوب على القضية غير من خلال ملاحظة التغيير لي وقع في #الشعارات ، – في الاول كان سميتها “احتجاجات مدينة الحسيمة على مقتل بائع السمك ” دابا ولات سميتها “#حراك_الريف” ،وهذا مصطلح سياسي شرقي كبير وفيه بزاف المعاني. – في الاول كانو يقولو #كلنا_محسن_فكري وكان كاع المغاربة كيردو معاهم نفس الشعار لان محسن فكري في الاخير هو مواطن مغربي ، دابا ولاو يقولو “#كلنا_الزعيم_ناصر_الزفزافي ” والمرحوم محسن فكري صافي قصاوه ومبقاوش يجبدوه لحقاش سالا الدور ديالو ولاحوه . -في الاول كانو يقولوا “نطالب باعتقال كل المتورطين في مقتل محسن فكري ” وكافة المغاربة كانو معاهم في هد المطلب ،. شوية ولاو يقولو “نطالب بتحقيق المطالب الاجتماعية” وحتى هنا باقي المغاربة واقفين معاهم وبغاو ليهم الخير وخا مناطقهم مضعضعة كثر منهم وهي اولى بالانعاش، دازت مدة من بعد ولاو يقولو “نطالب باستقالة كافة القادة والمسؤولين ووزراء الحكومة” ونطالب “الجلوس مع الملك ” بشااااااااااخ اليدام ? . – في الاول كانو يقولو شعار ” #عاش_الشعب ولا عاش من خانه ” وهو شعار عجب بزاف المغاربة لي مستائين من سياسات الدولة اتجاه مدنهم ، الشي لي خلاهم يتبناو هدا الشعار بنية صادقة على انهم جزء من هذا الشعب الذي ينادون بحقوقه . حتى جات المرحلة لي بدا يبان فيها البلان ويتفضح فيها كلشي منين ولاو يقولو “#عاش_الريف ولا عاش من خانه ” و شعار اخر اكثر وضوح في المعنى “#عاش_ناصر #شعب_الريف_سينتصر”!! هنا المغاربة بداو يوعاوً ويعيقو بالقالب وفهمو انهم ماشي هما المقصدوين بديك “عاش الشعب ولا عاش من خانه ” لان المقصود بالشعب في عذا الشعار هما ريافة!! وكيشوف راسو هو ماشي ريفي ! وهاز شعار لا عاش من خانه والريف سينتصر ! ? فين هو #اللوجيك في هدشي!! ? صراحة الريافة ماكانوش ذكيين من سمحو لبعض المرتزقة العنصريين يسرقوًليهم الاحتجاجات ديالهم وحرفوها على المسار الطبيعي لاغراض خبيثة في نفوسهم !! في الاول كانت المواجهة مع الدولة من اجل العدالة لمقتل محسن فكري ،وتحقيق المطالبً الاجتماعية المشروعة . لكن الان تخربق دكشي كامل ومشى في مهب الريح ، وسيحكم عليه بالفشل لان المرتزقة الانفصاليين ركبولكم فوق الاحتجاجات وضحكوا عليكم بالخطابات القومية والدينية المتعصبة التي تثير الحماس وتأجج العاطفة وتغيب العقل ، دخلوكم في #معركة_خاسرة منين غيرو ليكم المواجهة لي كانت مع الدولة وردوها مواجهة مع باقي الشعب المغربي ،. وهنا فين كاين الخطأ والخطر الاكبر ، لان هدا التصعيد يمهد البلاد مستقبلا لتكون ساحة لحرب اهلية طاحنة ستحرق الاخضر واليابس ،ان لم يتم تدارك الامر واصلاحه قبل فوات الاوان )