فاس نيوز – موقع الجهة الاخباري 24 ساعة موقع اخباري لجهة فاس مكناس منكم و اليكم ننقل الرأي و الرأي الآخر
مناشدة مني للمسؤولين لعلهم يلتفتوا قليلا إلى مأساة مي فطوم الجزولي ، إليكم هاته القصيدة المتواضعة .
حكاية مي فطوم الجازولية ….!
بسم الله بديت وعلى نبينا صليت
سيدنا محمد زين السمية
شحال سمعت وشحال قريت
على مي فطوم الجزولي ديك الزروالية
هولني خاطري وشحال بكيت
زوجها مسكين فنى حياتو في الجندية
مكفوفة عايشة وحدها ف البيت
176درهم تتقاضاها ف الشهرية
بكا حالي على حالي وسهيت
داتني وغفات عينيا
ماشي هذا مغربنا اللي بغيت
علاش مي فطموم تبقا هكذا منسية
يا لالة الحكومة
176 درهم راها حشومة
مي فطوم الجازولي نفسها مضيومة
عايشها لمحان عايشة مهمومة
الزمراني سميتو تمسحات بالكومة
يا نوابنا مي فطوم عايشة مكلومة
وانتوما آه انتوما
ناعسين ف أحلى نومة
يا وزراءنا مي فطوم عايشة محرومة
175 درهم ف زمانا ما عندها سومة
حقوق الإنسان ومي فطوم عايشة ف حياتها مردومة
هشام بريطل
مراسلة : بنعيسى الزمراني
عن موقع : فاس نيوز ميديا
