هام جدا لأرامل هذه الفئة من قدماء العسكريين .. فلوس رجالاتكم في البنك خاصكم غير تقلبو عليها

من مراسلاتكم بدون تصرف:

Si ça peut aider!!
أنا خدامة فالقرض الفلاحي .. كاينين عندنا الماندات ديال أرامل العسكريين اللي كانو في فرنسا فالحرب، وكاين نساء مسكينات ماعارفاتش راه التقاعد ديال رجالهم عندنا من بعد الوفاة ديالهم ..
كندخل international pensions كيضرني خاطري كانلقا شي مراة مسكينة عندها من 2011 حتى اليوم ماندات ديال راجلها وهي مافراسها والو لأنهم تيقولو القرض الفلاحي ديال الفلاحة، وكيسولو فكل الأبناك إلا البنكة ديال القرض الفلاحي والمنضات ديالهم راه عندنا.
ماكرهتش كل الأرامل يجيو ياخدو فلوسهم ولكن راهم كتار. ماعرفت منين نبدا حيث مادايرينش أرقام التيليفون في الوثائق اللي عندنا، دايرين غير السمية والكنية دليل الأزواج ديالهم، والعنوان مكاينش.
مثلا واحد السيدة عندها 12 لماندا ومبالغ لابأس بها فواحد الدوار فكرسيف سميتو zabttit وهي مسكينة مافراسها والو المهم اللي من هاد الدوار وراجلها فالعسكر مات وكان تايتخلص من فرنسا ودفعات الوريقات ليهم وكايصيفطو ليها أن فلوسها في المغرب، تمشي لأقرب قرض فلاحي إن شاء الله تلقاهم وخصوصا خصوصا تازة، خنيفرة، أكادير، هادو راه كتار بزااف ..
المهم اللي كيعرف شي وحدة كان راجلها في فرنسا، ومات ودفعات الأوراق الخاصة بالتقاعد ديالو، تسول في القرض الفلاحي على الله يا تلقى فلوسها عندهم .. كاينين الناس بزاف فراسهم وكايتخلصو، وكاينيين ناس آخرين كتار مافراسهومش أوماكيتخلصوش من بعد موت الأزواج ديالهم كيف قلت في الأول من 2011 .
المرجو الإرسال على أوسع نطاق، جزاكم الله خيرا.

عن موقع : فاس نيوز ميديا