بعد استضافة “تسونامي” و”طراكس” لإنعاش السياحة بفاس .. نصيحة لوزارة السياحة (مقالة رأي)

بعد تداول عدد من المصادر الإعلامية أخبار عن لجوء مستثمر سياحي بفاس لخدمات الشيختين “طراكس” و”تسونامي” لإنعاش السياحة بفاس، كتب فاعل جمعوي بفاس ما يلي على حائطه الفايسبوكي:

(نصيحة لوزارة السياحة!!!!!
إلى بغيتو تسوقوا السياحة في فاس فنيا ،عندي مقترحات يمكن تكون مهمة.
1_تجمعوا داك الفرق ديال گناوة لي تايدورو في المدينة يسعاو ويطيحو من قيمة الفن الگناوي، أو تعطيوهم خلاص ثلاث أشهر وتفرقوهم على كل المدارات السياحية يشتاغلوا بكرامة وشرف.
2_يجمعوا المتسولين ديال المدينة ويلبسوهم لباس تقليدي ويخلصوهم مزيان ويفرقوهم فالمدينة العمل ديالهم هو:, مرحبا بكم في فاس،فاس كاترحب بيكم،ناس فاس تايرحبوا بكم…..وبثلاث لغات.
3_ المرشدين السياحيين غير النظاميين تعطيوهم شهادة مزاولة المهنة ،أو تديرولهم دورات تكوينية في تسويق مدينة فاس.
4_البازارات والمحلات لي كاتبيع المنتوجات السياحية، تلزموهم بإعطاء فاكتورة عند البيع للسائح ،ولي فلق شي سائح فلقوه حتى أنتوما بشي خطية متكتكة.
5_أصحاب المطاعم السياحية بالمدينة، تلزموهم ما يقلقوش السائح بداك الناس لي فباب المطاعم بحال لا حنا گالسين فراس القليعة، بالإضافة تسيفطوا لجان المطاعم لي تصنفهم على حسب الجودة والنظافة والأثمنة وكذلك بالفاكتورة باش لي فلق السائح بذاك menu ديال ,300400,500و600درهم فلقوه حتى هو بشي إغلاق ديال المطعم متكتك.
6_ينسقوا مع الولاية باش يحلوا مشاكل المنازل الجاهزة للكراء،والرياضات،ويخليو السائح يختار فين يسكن بلا قوالب وخدمة الديناصورات .
7_بالنسبة للگروبات ديال السياحة يديروا الدخول للبزارات بالتناوب أولا ثم يدخلوا المحلات الصغيرة والبازارات الصغار كذلك،والجعبة تكون قانونية،باش تكون المساواة والديناصورات ما يطغاوش.
8_داك الحباسة والبلطجية صحاب الخطوط نخدموهم في استثباب الأمن حيت العايقين تايخافوا منهم،باش ما يتصاروش على السياح.
المهم هاته مقاربة بسيطة، في نظري أحسن من الشيخة طراكس والشيخة تسونامي😂وللقارئ الرأي.
(يتبع))

عن صفحة : محسن النية

عن موقع : فاس نيوز ميديا