من مراسلاتكم:
مدينة فاس شبابها ماشي مجرمين أو ما عندهوم ما يدار ..بالعكس شبابها كل طاقة و إيجابية ، فقط محتاجين اللي يعطيهوم الفرصة و يثيق فيهوم ، وديك الساعة آينطالقو يخدمو مدينتهوم بكل قوة .
أحياء سيدي بوجيدة ، عين النقبي ، الجنانات ..هي أحياء أنجبت شباب تايفتخر بيهوم المغرب كولو ، وديك الصورة ديال #الإجرام هي حالات استثنائية لا تعبر عن صورة شباب هاذ الأحياء ،
هاذو اللي فالصور مجموعة من الشباب تايقطنو بهاذ الأحياء ، قررو أنهم ينوضو يخدمو مدينتهم بمبادرات تحسيسية و توعية لفائدة الساكنة ضد مخاطر كوفيد 19 ، السلطات منين شافتهوم بالفعل عندهوم هاذ الإرادة الزوينة قدمت ليهوم يد المساعدة و الجميع تعاون معاهوم ، و الأكثر من ذلك أن الكل تعبئ معاهوم باش ينجح المبادرة ديالهوم .
شباب هاذ الأحياء قدمو اليوم نموذج لكل الشباب وعطاونا درس بأن الشباب المغربي محتاج فقط اللي يوقف معاه ويساندو ويشجعو ويعطيه الامكانيات باش يشتغل و يخدم مدينتو و وطنو..
فتحية عالية لهؤلاء الشباب 👍
فاس نيوز – موقع الجهة الاخباري 24 ساعة موقع اخباري لجهة فاس مكناس منكم و اليكم ننقل الرأي و الرأي الآخر
