محمد الخطاب نائب عمدة فاس يُوضح لفاس نيوز حقيقة ما يروج بخصوص ملعب القرب المرجة لكرة القدم .. وها شنو قال

فاس – توصلت الجريدة، مطلع الأسبوع الجاري، عبر تطبيق التراسل الفوري ‘واتساب’، بمعطيات تفيد أن محمد الخطاب النائب الثامن لرئيس مجلس جماعة فاس، سلّم مفتاح ملعب القرب المرجة بفاس لكرة القدم لشخص “دْبْرْ عليه ببطاقة ديال الإنعاش”.

و أضافت المعطيات، أن هذه العملية تتم بعلم رئيس مقاطعة زواغة اسماعيل الجاي منصوري.

و أكدت ذات المعطيات، على أن ملعب القرب المرجة بفاس لكرة القدم، لم تَقُمْ بَعْدْ جماعة فاس بتفويته للمقاطعة، مُشيرة نفس المعطيات، على أن الملعب يتم كرائه من طرف الشخص الذي سُلمت له المفاتيح.

في إطار حق الرد الذي يكفله القانون ومدونة الصحافة والنشر، واحتراما من الجريدة لأخلاقيات مهنة الصحافة، راسلنا محمد الخطاب النائب الثامن لرئيس مجلس جماعة فاس عبر تطيبق الواتساب وقدمنا له صفتنا وشرحنا له سبب الإتصال .. فكان رده كالتالي : ” الملعب تحل في شهر رمضان سلماتو الجماعة درنا فيه واحد الدوري رمضاني من بعد تشد لواحد المدة .. حليناه من بعد واحد مجموعة من الجمعيات طلبو منا أنهم يلعبو .. كاينين عشرة د الجمعيات فالدائرة د المرجة لي لحد الآن وضعات الملفات ديالها موجودة فالمقاطعة عند السي الصالحي و عاد كنت جريت معاه اتصال منذ أسبوع .. باش نتأكدو من عدد الجمعيات .. فعلا كاين العدد د الجمعيات 7 .. فعلا عندنا عرضيين .. 2 عرضيين واحد كان مقابل التيران قديم كان تما فاش قبل مانتسلمو كان عساس حطيناه تما وعطينا واحد آخور 2 عرضيين باش يقابلو لينا داك التيران .. يعني كانو كايتهجمو عليه الإخوان وكيدخلو ليه بالقوة .. باش يبقى المرفق العمومي محافظين عليه .. درنا داك العرضيين تما باش يقابلو لينا داك الملعب وهادشي عادي شيء طبيعي .. أما اللِّي كايزاولو دابا هوما 10 د الجمعيات و العدد بإمكانو يرتفع .. دائما كايجيو يطالبونا الشباب خاصنا نلعبو و تنقولو ليهم ديرو جمعية ديالكم رياضية وحطو الطلب ديالكم فالمقاطعة باش تنطلق عملية اللعب فهاد الملعب ديال القرب .. باش ميبقاش مشدود .. حنا حليناه باش يزاول .. ميمكنش واحد المرفق أيبقى مشدود و مغيلعبوش فيه الشباب .. فَخصنا تقريب الإدارة من المواطن و مساعدة الشباب”.

و أضاف المتحدث : ” أنه بالنسبة للكراء هادشي ماكاينش .. ومكنتهربش من الحقيقة .. بالعكس مادخلنا لهاد الغمار إلا وبغينا فاس بحلة جديدة”.

ملاحظة : الجريدة لم تتمكن من التأكد من صحة المعطيات المذكورة أعلاه من مصادر مستقلة .. و يبقى باب الجريدة مفتوح لأي رد أو توضيح طبقا لقانون الصحافة و النشر .. على الرقم التالي 0607338899

المصدر : فاس نيوز ميديا